Вит во сайын Кулöмдiн районын чужис «Донса кыа» сьылан котыр, кодi унаöс чуймöдiс мужичöйяслöн чукöрöн. Мыйла эськö нимыс «Донса кыа»? Сы вöсна, мый сöвет кадö Донын вöлiс нин татшöм нима мужичöйяслöн сьылан котыр. Найöс пыдди пуктöмöн нимсö сэтшöмöс и колим. Кöть кытчö, кутшöм гаж вылö он мун, быдлаын ёнджыкасö петкöдчöны аньяс. Мича нывбаба чукöр вылад видзöднытö, дерт, нимкодь да долыд, но ёна нин окота аддзывны сцена вылын и гора ён гöлöса мужичöйясöс. Донса социокультурнöй шöрин восьтöм бöрын ковмис вöчны йöзкöд уна удж. Котыртны культура да спорт олöм. Выль во бöрын öти бур ёрт вöзйис меным видлыны ышöдны да чукöртны мужичöйясöс. Мöвпыштi да стöч мужичöйяслöн лунö, 2016 вося февраль 23 лунö, Донса выль шöринлöн гажын медводдзаысь петкöдчис мужичöйяслöн «Донса кыа» котыр.

…Талун «Донса кыа» котырö пырö кöкъямыс морт – квайт мужичöй да кык ань. Тамара Петровна Напалкова да Вера Дадична Чаланова мичмöдöны котырсö аслас мича гöлöсöн. Кутшöмкö сьыланкывъяс мужичöйяс сьылöны асьныс, а кутшöмсюрö аньяскöд öтлаын…
Водзö лыддьöй март 25-öд лунся газетысь.
Артур Гарнов.
Снимокъяс гижысьлöн чукöртöмысь.