Кулöмдiнын öнi шырсьысьыд вель уна, да йöзыс бöрйысьöны, код дорö пуксьыны. А вот Наталья Николаевна Тюрнина дорö локтöмöн тшöтш он на веськав, колö водзвыв гижöдчыны. Юрсиктын сiйö медся дыр уджалысь парикмахер, шырсян уджö босьтчöмсянь апрельын тырис 45 во…

…Наталья Николаевна ачыс Дереваннöйысь, быдмис ыджыд семьяын зiль, кывзысьысь нылöн. Дзолясянь радейтiс кысьыны да вурсьыны. Гортсаясыс шулiсны, вурсьысьыд пö некор няньтöг оз коль да кöсйисны тайö кипом уджас велöдны. Но Кулöмдiнса быт керкаöн сэки веськöдлысь Л.А.Белоголова вöзйис ветлыны учкомбинатö парикмахерö велöдчыны. Татшöм уджалысьыс сэк буретш предприятиелы колiс.

– Ньöти ог каитчы, уджыс муса. Дерт, лунтыръясöн кок йылын сулалана удж да ёна жö мудзла, но некор эз волы мöвп эновтчыны да вуджны мöдлаö. Весиг быт керка тупкысьöм бöрын корси позянлунъяс, кольччи ас вылö уджалысь шырсьысьöн. Жырсö босьтiм кык вылö Валентина Вячеславовна Зезеговакöд. Ме моз жö велöдчывлiс учкомбинатын, локтöмсяньыс 43 во уджалiм öтлаын. Вöлi удж кузяыс ыджыд сяма, йöзöс пыдди пуктана специалистöн…
Паськыдджыка лыддьöй май 23-öд лунся газетысь.
Нина Буткина.
Снимокъяс öтуввезйысь.