Том йöз — миян районлöн аскиа луныс. Нимкодь, мый воысь во содö томуловлöн мывкыдлуныс. Нывъяс да зонъяс пырöдчöны да вермöны ордйысьöмъясын, олимпиадаясын, концертъясын, фестивальясын, быд сикас конкурсын. Со и таво Кулöмдiнысь Людмила Евгеньевна Рассыхаева, кодi велöдчö искусство гимназияын театр юкöнын, петкöдчис «Котыр — Аймулöн вына подув» коми кывъя республикаса конкурсын да вермис «Медсöдз да медмича» нимпасын. Сiдзкö, миян районын медмичаа юргö коми кывным. Чолöмалам Людмилаöс вермöмöн.

 Нывка велöдчис гимназияын кык во на, но ворсiс нин вель уна спектакльын. Вичмисны Нефертитти да Эхнатонлöн ныв, рок-н-ролл йöктысь пöч, Зарань, архитектурнöй стрöйба, курччасьысь душник турун да весиг страуслöн рольяс. Кывкöртöдалан концерт вылын Матрёшка рольын восьтiс ыджыд петкöдчöмсö. Тулыснас пырöдчис «Коми язык за 30 шагов» республикаса балаö. Аслас ёртъяскöд коми кыв вылын вöчисны 30 видеоролик.

 Том йöзлы гажлун водзын сиам став бурсö. Медым юр весьтын дзирдалiс шондi, ён дзоньвидзалун, шуд, медым сьöлöмъяснытö шымыртiс муслун да водзö вылö уна вермöм.
Жанна Сизева.
Снимок Людмила Рассыхаевалöн.