Бура быдтöм-велöдöмысь

[ A+ ] /[ A- ]

Ноябр 27-öд лунö Москваын Христос Спасительлöн Храмын вичкоса соборъяс нуöдан залса сцена вылын нимöдiсны «Мам-Героиня» йöзкост награда шедöдысьясöс. Коймöд степеня «Мам-Героиня» награда Кулöмдiнысь Екатерина Николаевна Опариналы сетiс Федерацияса Сöветын республиканымöс петкöдлысь Ольга Епифанцева…

…Екатерина Николаевна да Андрей Николаевич Опаринъяс быдтöны куим челядьöс, Володя да Александра велöдчöны школаын, Миша – МВД-лöн Санкт-Петербургса университетын студент. Олöны ас киöн кыпöдöм керкаын. Андрей Николаевич уджалö шöр больничаын электромонтёрöн, а Ольга Николаевна – коррекционнöй школаын веськöдлысьöс вежысьöн.
Бать-мам пыдди пуктöны челядьныслысь кöсйöм-водзмöстчöмсö, отсалöны сöвмöдны налысь енбиалун да мыйкö вöчны зiльöм, ышöдöны öтувъя да общественнöй уджö. Семьяын ыджыдалö öта-мöдöс радейтöм да гöгöрвоны зiльöм. Ставöн пыр дасьöсь отсавны öта-мöдлы. Татшöм котырад челядьыс кылöны асьнысö коланаöн да радейтанаöн да водзöсыс мам-батьныслы сэтшöм жö. Опаринъяслöн семьяын некод оз пов уджысь, пыдди пуктöны и верстьöлысь зiльöмсö…
Водзö лыддьöй декабр 1-öд лунся газетысь.
Ольга Васильева.
Снимок Е.Н.Опариналöн архивысь.

Комментарии:

Добавить комментарий

Свежий выпуск: 26 января

Осторожно — мошенники!