А кодлыкö Афган — не прöста кывъяс,
И сылöн дойыс йöлöгаöн кылö,
Афганец важ моз тракнитчывлö, гашкö,
Кор кыскö шкапысь важмыштöм фуражка.

Кор синъяс водзас ловзьö лöньлöм кадрыс,
И бергöдчывлö выльысь гыма кадыс.
Эз öти ёртлöн гугась сэні олöм.
И на ради на кутчысьны тшöтш колö.

Гитара шыö горзöм — налы доя,
Кыдз восьса енэж улын узьтöм войяс.
И коді талун «духъяс» йылысь горзö,
Войнасьыс сöмын челядь моз на ворсö…

А бипур дорын дзормыштöм салдатыс,
Оз вывтіась, мый эм сылöн награда.
Зэв гусьöникöн босьталö аккордсö
Да казьтылö йöз муö водöм ёртсö…

Мед сы моз сьывны, быдмыны на колö.
Öд найö видзисны и горзысьыслысь олöм.
Елена Игнатова.