27 кубометра контейнеръяс сулалöны нин «Север» котырлöн база йöрын рельсъяс вылын. Твер обласьтысь «РЖЕВМАШ» заводысь специалистъяс тэчисны пресс-компактор, март панасын босьтчисны да вöчисны кык вежонöн, велöдiсны сы вылын уджавны «Северын» зiльысь мортöс. Районса 23 сикт-посёлокысь миян котырöн вайöм шыблас кутасны кисьтны бункерö, сэнi ставыс топалас да веськалас контейнерö. Öти морт компьютер отсöгöн и кутас веськöдлыны став уджнас. Тыра контейнер рельсъяс кузя вешъяс помöдзыс, сэтысь и кутас босьтны «Региональный оператор «Севера» котырлöн шыблас новлöдлан машина.

«Помöсдiн» кооператив йöлысь вöчöм вöлöгаöн вузасьö оз сöмын районын, но и шойччан лунъясö ветлö Сыктывкарö видз-му овмöс ярмарка вылö.