Май 25 лунö Кулöмдiнса шöр школаысь 42 велöдчысьлы триньöбтiс бöръя звöнок. Школа помалöмöн найöс пöся чолöмалiсны школаса директор О.В.Пунегова, районса юралысь Д.А.Шатохин, Кулöмдiнса администрацияöн веськöдлысь С.В.Рубан, районса культура керкаöн веськöдлысь К.Ю.Апостолиди, челядьлöн районса спорт школаысь инструктор И.В.Тимушева да районса спорт шöринöн веськöдлысь Е.Д.Кузнецова. Бура велöдчысьяслы, олимпиадаясын, школаса да сиктса общественнöй олöмын, спортын петкöдчысьяслы да вермöмъяс шедöдысьяслы вичмисны почёт грамотаяс, аттьöалан гижöдъяс да козинъяс, районса юралыссянь ? стипендияяс да ошкан гижöдъяс. Сьöлöм вöрзьöдана кывъяс висьталiсны и медводдза велöдысьяс, бать-мам да медводдза классын велöдчысьяс. 11-öд класс помалысьяс пöся аттьöалiсны велöдысьясöс да бать-мамöс туйдöмысь-велöдöмысь, мывкыдлун сетöмысь, гажöдiсны мыла сьыланкывъясöн, йöктiсны бöръя вальс. Юрöбтiс бöръя звöнок. Öнi ныв-зонлöн кывкутана кад: сдайтны экзаменъяс, бöрйыны сьöлöм серти профессия да водзö мунны велöдчыны.
Cнимок вылын: Владимир Чаланов да Илона Золотарёва сетöны бöръя звöнок.