admin

Öти машинасö кыкысь

Октябр 14-öд лунö ГИБДД-лöн районса юкöнысь инспекторъяс юрсиктын кыкысь сувтöдiсны öти и сiйö жö машинасö да кыкнаннысьсö «тшапкисны» код юра водительясöс.
Айлов «Газель» машинаöн лэччис «Саша» лавкасянь Треня сиктса туй вылö. Инспекторъяскöд сёрнитiгöн гартласис кывйыс, шатласис. Дзик пыр техникасö эз артмы нуны мыжмöм водительяслысь мырддьöм машинаяс сулöданiнö, да сiйö жö рытнас инспекторъяс тайö жö машинасö сувтöдiсны мöдысь. Руль сайын вöлi код юра водительлöн ёртыс — правотöм да тшöтш код юра. Машинасö нуисны «шойччанiнö».

Читать далее

Ордйысисны Грозныйын

Читать далее

А кодi мыжа?

Асшöр уджалысь Иван Васильевич Ракин ноябрсянь дугöдчö Сыктывкарö автобусöн йöзöс нуöм-вайöмысь.
Пасъям, сiйö кык во сайын кык во коставлöм бöрын «ловзьöдiс» юркарö йöзöс автобусöн новлöдлöм. Весиг «Монди СЛПК» акционер котырлöн отсöгöн ньöбис бур автобус. Сылы воча мунiс районса администрация, кодi и корис бöр лöсьöдны Сыктывкарö ветлöм, сетiс кöртымö уна патераа керкаысь кык жыр. Иван Васильевич сiйöс дзоньталiс вужвыйöн: вежис джоджъяс, лöсьöдiс йирк да стенъяс, пуктiс выль öшиньяс. Вежис и шоныд мунан трубаяс. Восьтiс автопавильон. Югыд да кыпыд öти жырйын диспетчер вузавлiс билетъяс, мöдас — виччысянiн. Тайö вöлi зэв кивыв район пасьтаысь Кулöмдiн пыр карö мунысьяслы, öд орччöн сельполöн нуръясянiн. Зэригъясöн либö лым усигöн оз ков сулавны ывла вылын, автобусö пуксьöны стöч кадö. Бур и сiйö, мый челядьöс нуöмысь йöз вештысисны джын донсö. Нöшта бур вöлi кокньöд босьтысьяслы да отпускö бокиö ветлысьяслы, кодъяслы уджаланiнсянь либö социальнöй юкöнсянь билет сдайтöмöн бергöдлiсны сьöм. Но…

Читать далее

Öльöксан Пивкин: «Ветлöдла му кузя, радейта йöзсö!»

Нималана коми тележурналист Öльöксан Пивкинöс тöдöны республика пасьта. Коми республикаса «Юрган» телеканалын «Вочакыв» уджтас — сылöн быдтас, кодöс окотапырысь видзöдöны и комияс, и став финн-йöгра вужвойтыр. Енбиа журналист мунö медкузь да медсьöкыд туйöд — йöзлань. Найöс водзмöстчысь турист корсьö ылi туйясö петалöмöн.

Читать далее

Ош

Таво тулыссянь то öтилаысь, то мöдлаысь кутісны воны юöръяс, мый сикт-посёлокъяс дорö матö кутісны петны ошъяс. Великопольеын да Ярашъюын вöрса кöзяин «пастукаліс», сэтчöс шойна вылын «кодраліс» кулöмъясöс, кыясис ыж гидын, кежавліс челядьлöн ворсанінö. Öні арнас öтпырйö нёль ош овмöдчисны дзик Діасёръя бокö. Ошкöс казявлісны матысь и мукöд сиктъяс дорысь. Гожöмыс вöлі кöдзыд, зэра, вöрын эз кисьмы тшак-вотöс, со и матыстчöны вöрса пемöсъяс морт дінö матöджык. «Діасёръя» овмöдчöминса юралысь М.В.Опарина висьталіс, мый ошъяс да кöинъяс пö дзик дугдісны повны мортысь да машинаясысь: вöр пасьтала мургö-пöрöдчö ыджыд техника, и найö велалісны водзті весьöпöртан шыяс дорö. Мунö пö кöин ли ош туй бокті да весиг синсö оз чöвтлы орччöн тюрысь ичöт машина вылö, пельсö оз чошкöдлы. Тадзинад, дерт, сэсся пырасны сикт шöрад, полöмыд кö абу: кынöмыд öд сюмалö.

Читать далее

Свежий выпуск: за 14 ноября