Матö 8 во нин Югыдъягса юралысьöн лоö Владимир Ионардович Ау.
Югыдъяг овмöдчöминын, кытчö нöшта пырöны Смолянка, Белоборск, Канава, Вад да Важ Эжва, олö 3119 морт. Владимир Ионардович аслас да овмöдчöминса администрацияын уджалысьяслöн шöр могöн лыддьö йöзлысь олöм бурмöдöм. Пырöдчисны «Югыд Югыдъяг» да «Сöстöм ва» программаясö. Медводз вöчасны Югыдъягын, сэсся овмöдчöмин улö пырысь мукöд сикт-посёлокын. Владимир Ионардович тöдö налысь став тöжд-могсö. Ылi сикт-посёлокö урчитöма ветлыны тöлысьöн öтчыд, но ковмигöн петавлö ёна тшöкыдджыка.
-Уджын отсалö районса администрация. Кольöм воын вичмöдiс сьöм, ньöбим «Газель», кодi новлöдлö йöзöс Белоборскысь. Öнi уджалам, мед сэтчö воис сотöвöй йитöд. Сiдзжö воис сьöм посёлокса туйяс дзоньталöм вылö. Отсалöны, мыйöн вермöны, оз бöрыньтны миянлысь корöмъяс ас вылö уджалысьяс. Налы абу веськодь, кыдзи сöвмö овмöдчöмин. Уджалам ставöн öтув, сiдзкö, ставыс артмас.