Вуджны Кулöмдiнö вöзйис гöтырыс. Локтiсны 2015 вося гожöмын. Регыд мысти торйöдчисны, но Алексей гортас эз бергöдчы, а кольччис Кулöмдiнö. Дзолядырйиыс овлiс грездын да бергöдö сиктса став уджсö. Босьтiс му юкöн да кöсйö лэптыны керка. 
Томсянь ёртасис спорткöд, эм вермасьöм кузя мöдöд разряд. Шуö, мый быд мортлы колö кужны дорйыны асьсö. Та вöсна велöдiс окотитысьясöс чукöртлöмöн. Тавосянь уджалö челядькöд ДЮСШ-ын, велöдö самбо. «Олимпикын» велöдö вермасьны верстьö йöзöс. 
— Спорт радейтысь морт сöвмö оз сöмын эбöснас, но и ловнас да бура пöртö олöмö сы водзын сулалысь могъяс. Страналы колöны буретш татшöмъяс, — тöдчöдiс Алексей Боев. 
Гижöд да снимок Галина КЛЮЖЕВАЛÖН.