Улыс Вочса школаын том агрономъяс тöвсянь нин дасьтысьöны пуктысигкежлö.
Асланыс лабораторияын дöзьöритöнытуялöны помидор, переч, öгуреч, баклажан да дзоридзьяслысь пуктöм кöйдысъяслöн петöм-сöвмöм бöрся. Бура босьтчысьяссö торйöдалöны, пуктöны дозъясö да сувтöдалöны öшиньяс вылö. А сёян турунсö, шуам, лук турун, быдтöны кольöм вося декабрсянь нин. Таысь öтдор теплицаяс вылысь весалiсны лым. Таво муö лэдзасны капусталысь куим сюрс рöсада, град выв пуктас урчитiсны кык гектар вылö.

Пасъям, кольöм воын Вочса школа «Агроклассс – это класс» балаöн пырöдчис да вермис «Йöзкостса бюджет школаын» балаын. Ньöбисны кык теплица, куранъяс, зыръяс, вилаяс да уджавны мукöд коланатор. Пуктысисны, уджалiсны гожöм быд да босьтiсны бур урожай. Нöшта пырöдчисны «Школьный агростартап» конкурсö, а арнас дасьтiсны бала, петкöдчисны да вермисны став Россияса конкурсын. Вермöмысь и козьналiсны кöрт джаджъяса лаборатория, бияса, пуктöм кöйдысъяс шонтöм да югзьöдöм могысь, валы воны коланаторъяса да с.в.

Уджыс пуö, эм став коланаыс, челядь локтöны да велöдчöны окотапырысь, быд босьтчöмын воча мунöны бать-мам. Тадзи Вочса школаын тöдмöдöны видзму овмöс юкöнын специальносьтöн, босьтöм тöдöмлун да сямыс ковмас нывкаяслöн да зонкаяслöн аскиа олöмын.
Марина Дадашова.
Снимокъяс Ольга Лютоевалöн.