Кулöмдiнысь Иван Казаков мунiс Иван Михайлович Казаков пöльыслöн кок туйöд, кодi дыр уджалiс военкоматлöн Кулöмдiнса юкöнын, шойччыны петiс майорöн.
— Пöльöй пыр висьталiс, мый армияын колö служитны быть, офицерöн лоны бур. Школаын велöдчигöн шуи лоны военнöйöн. Мöдöд во велöдча связьлöн С.М.Будёный нима Санкт-Петербургса военнöй академияын. Вит во бöрын лоа лейтенантöн. Кытчö ыстасны, сэнi и служита, кута видзны, а, ковмас кö, и дорйыны айму, — сёрнитiс том морт.
Медводдза во велöдчигöн зонъясöс тöдмöдiсны карöн, нулiсны музейясö, театръясö, мичаинъясö. Öнi петалöны асьныс. Тöлын лэдзлöны шойччыны кык вежон, а гожöмын тöлысь. Ёртъясыскöд да тöдсаяскöд аддзысьлiгöн висьталö велöдчöм да олöм йылысь, ышöдö школа помалöм бöрын пырны сылöн велöдчанiнö.
Гижöд да снимок
Марина ДАДАШОВАЛÖН.