[ A+ ] /[ A- ]

Ошкис республика

Пытшкöсса делöяслöн республикаса министерство бердын видзöдысь общественнöй сöветöн веськöдлысь В.В. Жиделева да республикаса ГИБДД-лöн управлениеöн веськöдлысь О.В.Блохин районö волiгöн ёна ошкисны вит во нин уджалысь «Том инспекторъяс» клуб, весиг кöсйисны паськöдны республика пасьта сылысь опытсö.

— Ме аслам машинаöн ветлiгöн тшöкыда казявлi водительясöн, верстьö йöзöн да челядьöн туй вывтi ветлан правилöяс торкалöм, — висьталiс челядь творчестволöн районса керкаысь велöдысь В.В. Потоцкая. — Та вöсна ГИБДД-лöн юкöнса уджалысь Н.Н.Торлоповакöд шуим котыртны клуб. Сэтчö асланыс кöсйöм серти босьтiм Кулöмдiнса шöр школаысь 12-13 арöса 15 челядьöс да кутiм велöдны накöд туй вывтi ветлан правилöяс. Кор бура кутiсны тöдны найöс, петiм туй вылö. Урокъяс бöрын öти лун уджалiм водительяскöд, мöд лун — бать-мамкöд, коймöд лун — челядькöд. Водительяс пыдди пуктiсны клубö пырысьясöс, кывзысисны. Öтчыд öти нывка сувтöдiс машина, кöнi руль саяс вöлöма батьыс. Висьталiс сылы, медым эз торкав правилöяс, да сетiс гижöд. Нывкаяс да зонкаяс клубын велöдчöны сöмын во. На бöрын локтöны мöдъяс. Вит воöн клубын вöлi 60 сайö морт. ГИБДД-са уджалысьяслöн отсöгöн вурим паськöм, ньöбим аптечка, эм и паса бедь.

Клубö пырысьяс ГИБДД-са уджалысьяскöд тшöкыда петалöны туй вылö. Кольöм вося ноябрын видзöдлiсны, эм-ö водительяслöн аптечка да тöдмалiсны, кужö- ны-ö сетны доймöм морт-лы отсöг. Гораа сёрнитöны радио пыр да öлöдöны найöс, кодъяс налöн синъ-яс водзын торкалö ны туй вывтi ветлан правилöяс. Оз вунöдны аскоддьöмъяссö, кодъяс абу нин ловъяöсь (кулiсны неминучаяс дырйи). Ветлiсны Зимстанса шöр школаö, казьтыштiсны велöдчысьяскöд да велöдысьяскöд кувсьöм кык нывкаöс да öзтiсны сисьяс. Сисьяс öзтiсны и Кулöмдiнса Сöветскöй улича вылын да Кужйын, кöнi кувсисны зонкаяс.

Клуб сетö челядьлы ыджыд буртор. Найö оз торкавны туй вывтi ветлан правилöяс, велöдöны таö астшöтшъяяссö. Клубö вöвлöм пырысьяс Анатолий Мишарин да Виталий Черненок öнi кужöмöн ветлöны мопедъясöн. Василий Потоцкий велöдчö 34 номера лицейын. Öнi сдайталö экзаменъяс, медым босьтны водительлысь право. Арнас сылы тырас 18 арöс и вермас пуксьыны мамыслöн машина руль сайö.


Комментарии:

Комментарии запрещены.

Свежий выпуск: за 20 сентября