Ульянаса олысьяс пыр на бурöн казьтывлöны Выль вося гаж йылысь, кытчö волiсны Кöдзыд пöль да Лым ныв. Гаж нуöдысьыс, Кужйысь Светлана Николаевна Тарабукина, ворсöдiс посниöс и верстьööс, нуöдiс конкурсъяс. Шмоньыс да серамыс вöлi — помтöм. Сы бöрын Кöдзыд пöльлы ставöн жö висьталiсны кывбуръяс. Ок и енбиаöсь вöлöмаöсь ульянасаясыд, сы мында кывбур тöдöны! Кöдзыд пöль водзöссö аттьöалiгмоз чöсмöдлiс найöс юмовторъясöн, вичмöдiс козинъяс.
Читать далееКОНКУРС!!! Сиам ыджыд вермöмлы
Дона челядь!
Таво ыджыд тышын вермöмлы тырö 75 во. Такöд йитöдын «Парма гор» газетлöн редакция нуöдö серпасъяслысь конкурс. Виччысям тiянсянь уджъяс. Корöмъяс: А4 бумаг вылын петкöдлöй йöзлысь война кадся вир кисьтан сьöкыд вояс, налысь шуд, кор воис виччысяна вермöм. Серпасавны позьö карандашöн, фломастерöн, краскаöн. Уджъяс мöдöдöй редакциялöн либö сылöн электроннöй адрес вылö, позьö и волыны, верманныд ыстыны велöдысьяс либö овмöдчöминса юралысьяс пыр. Серпаслöн бöрас пасйöй ним, вич-овнытö, арлыднытö, кутшöм классын велöдчанныд, кöнi оланныд, телефон номер. Став юалöмöн звöнитöй 94-8-64, 94-5-77 телефонъяс пыр. Апрель 28-öд лунöдз чукöртам серпасъястö . Апрель 29-30-öд лунъясö донъялысьяс вöчасны кывкöртöд. Арлыд серти (5-8, 9-13, 14-18 арöсаяс костын) бöръясны куим вермысьöс. Вичмасны козинъяс. Газетын кывкöртöд лоö май 7-öд лунö. Медбур серпасъяс петасны газетлöн лист бокын.