Владимир Валентинович Артеев кок вылас сувтiс, пызан-диванö кутчысьöмöн да кöстыльяс отсöгöн босьтчис ветлöдлыны 12 арöсöн. Медводз гортас, мöд вонас петiс йöрö нин, сэсся улича вылö. Усьласьлiс, доймавлiс, но эз няргы, асьсö песiс водзö. Босьтчис ветлыны ылöджык и ылöджык, Выльгорт помöдз, Помöсдiнöдз.

Кольöм вося декабр 22-öд лунö Югыдъягса культура керкаысь «Югыдлань», «Сударушки» да «Мадаяс» котыръяс ветлiсны Тимшерö да пестiсны ыджыд гаж. Юргисны кыпыд да мыла сьыланкывъяс, мича, ён гöлöсъясöн босьталiсны «Югыдлань» да «Мадаяс» котыръясысь Елизавета Ануфриевна Карманова, Василий Александрович Тюрнин, Ангелина Ивановна Ковальчук да Татьяна Ивановна Игнатова. «Сударушки» котыр вöрзьöдiс видзöдысьяслысь сьöлöмсö мичаа йöктöмнас да яръюгыд паськöмнас. «Мадаяс» котырсаяс, арлыд вылö видзöдтöг, «Ижемский платок» да «Радуга» шылад улö зэв на винёла йöктiсны кытшö сувтöмöн. Тимшерса олысьяс шоныда вочаалiсны быд петкöдчöм, а помас кекöначисны сувтöмöн. Котыръясö ветлысьяс нимсянь да налöн корöмöн аттьöалам автобусса водитель Валерий Юрьевич Морозовöс, а сiдзжö асшöр уджалысь Виктор Васильевич Белыйöс да Сергей Викторович Афанасьевöс транспорт вичмöдöмысь. Аттьö и Тимшерса клубöн веськöдлысь Екатерина Степановна Фаныгиналы бура вочаалöмысь, пöсь чайöн да юмовторъясöн чöсмöдлöмысь. Тимшерса гажöдан котыръясöс виччысям водзöсöн волыны миян культура керкаö.

С 2020 года налог на автомобили физических лиц, а также на транспорт организаций и предпринимателей, осуществляющих грузовые и пассажирские перевозки в черте города, пригорода и на междугородних маршрутах, оборудованные для использования газа в качестве топлива, будет уменьшен.