[ A+ ] /[ A- ]

Кулöмдiн районса дона олысьяс,Вылыс Эжвалöн пыдди пуктана гöсьтъяс! 
Став сьöлöмсянь чолöмала тiянöс тöдчана кадпасöн — Кулöмдiн районлöн котыртчöмсянь 90 во тырöмöн! 
Районлöн воддза олöм-вылöм озыр быдсяма лоöмторъясöн. Медводдза колхозникъяслöн, вöр овмöсын зiльысьяслöн, ю транспортын уджалысьяслöн, велöдысьяслöн, бурдöдысьяслöн — налöн, кодъяс кыпöдiсны районлысь экономика, нюжöдiсны сиктъясö электричество да радио, кыпöдiсны выль посёлокъяс — удж кузя вермöмъяс йылысь гижöма зарни шыпасъясöн районлöн историяö. 
Ми век кутам казьтывны да пыдди пуктыны воинъясöс, кодъяс сетiсны олöм да дзоньвидзалун Великöй Отечественнöй войналöн фронтъяс вылын, кодъяс эз жалитны асьсö сы понда, медым водзö олысьяс вермисны бура овны да уджавны. 
Кулöмдiн район — коми оласног да культура медшöр видзысьясысь öти, коми поэтлöн да прозаиклöн, öнiя кадся коми литературалы подув пуктысьясысь öтилöн — В.Т.Чисталёвлöн — чужанiн. Сылысь туй водзö нуöдöны Виктор Напалков, Александр Ульянов, Василий Лодыгин, Вячеслав Бабин, Алёна Ельцова да мукöд. 
Енбиа йöзыс районын шензьöдана уна — киподтуя вöчасьысьяс, серпасасьысьяс. Быд сикт, быд грезд озыр аслас важся традицияясöн, енбиа войтырöн. Аттьö тiянлы чужан районöс радейтöмысь, сылысь кольöм кад тöждысьöмпырысь видзöмысь, сылöн талунъя да аскиа лунö пай пуктöмысь. 
Районлöн тшупöда чужан лунö став сьöлöмсянь сиа районса олысьяслы, уджалан котыръяслы, быд семьялы бур дзоньвидзалун, ыджыд шуд, судзсяна олöм да аскиа лунö эскöм! 
Сиа Вылыс Эжваöс сöвмöдöм могысь уджын выль вермöмъяс! 
Водзö сöвмыны да ёнмыны, дона Кулöмдiн район! 
«Кулöмдiн» районса администрацияöн веськöдлысь С.В.Рубан.

Комментарии:

Добавить комментарий

Свежий выпуск: за 2 апреля