ВЫЛЬ ВЕСЬКÖДЛЫСЬ

[ A+ ] /[ A- ]

Коми республикаысь пытшкöсса делöяслöн министр А.Н.Жуковский индİс аслас приказöн пытшкöсса делöяс министерстволöн район юкöнса начальникöн полицияса майор А.А.Козловöс.

Александр Александрович чужис 1973 вося октябр 7 лунö Княжпогост районса Емваын. Батьыс, Александр Николаевич, да мамыс, Мария Александровна, нэмсö уджалİсны вöрын. Семьяныс вöлİ ыджыд: 4 пи да öти ныв. Кор Александрлы тырис кык арöс, бать-мамыс челядьыскöд вуджисны овны Максаковкаö. А.А.Козлов шöр школа помалöм бöрын велöдчис 7 номера ГПТУ-ын бульдозер да экскаваторвывса машинистö. Но специальносьт сертиыс эз уджав, босьтİсны армияö. Служитİс Балтийскöй флотын ваувса атомнöй пыж вылын.

1994 воын олöмсö йитİс милициякöд. Вöлİ унапöлöс должносьтъ-яс вылын. 1999 восянь уголовнöй розыскын. 2008 воын индİсны Сыктыв районысь пытшкöсса делöяслöн юкöнса начальникöс медводдза вежысьöн, 2010 воын — начальникöн. Уджысь орöдчытöг помалİс милициялысь шöр школа да пытшкöсса делöяслöн министерстволысь Нижегородскöй академия. Юрист-правовед. Öнİ велöдчö министерствоса управлениелöн академияын. Дыр да бура уджалöмысь сетİсны 3 да 2 тшупöда «За безупречную службу» пас. Гöтыра. Быдтöны пиöс. Александр Александрович радейтö вöравны да лыддьысьны.


Комментарии:

Комментарии запрещены.

Свежий выпуск: 28 марта

Осторожно — мошенники!