Чолöмалам локтысь Выль воöн!

Аддзысьлi Иван Третьяковкöд, кодi коймöд во нин велöдчö Санкт-Петербургын. Гортö волыны позьö кыкысь вонас. Со и öнi, кыдз и кольöм воын Андрей Васильевич Хрулёв нима академияса курсант Иван Третьяковöс лэдзисны водзджык мукöдысь. Пуктiсны мог — тöдмöдны да ышöдны сы кодь жö войвывса зонъясöс повтöг пырны велöдчыны, медым кык во да дас тöлысь бöрын босьтны кык диплом, öтиыс — военнöй, мöдыс — гражданскöй. Военнöйыс — нуöм-вайöм, котыртöм да автомобильнöй транспортöн веськöдлöм, гражданскöйыс — логистика, сiдзкö груз нуан заказ котыртöм, да сiйöс места вылöдз вайöмысь кывкутöм.

Пламя», комиöн кö би, тадзи шусьö Дiасёрьяын 5-8-öд класса отсасьысь челядьлöн котыр. 2019-öд воын Татьяна Шахова котырöн веськöдлысь Лариса Васильевна Курочкинакöд гижисны «Никто не забыт – ничто не забыто» уджтас да шедöдiсны Великöй Отечественнöй войнаса ветеранъяслысь гуяснысö лöсьöдöм вылö сьöм. Шойна вылысь вежлалiсны öградаяс да крестъяс.

Таво став Россияса «Том профессионал» конкурсын призёрöн лоис Владислава Лопырева. Пожöгдiнса нывлы вичмис республикаса юралыссянь аттьöалана гижöд, медаль, сертификат, козьналiсны и фонендоскоп.