Медводдзаысь на Вочса школа зарни медальöн öтпырйö помалiс куим морт. Тайö Екатерина да Юлия Лютоеваяс да Кристина Морохина. Медводдза классянь нывкаяс велöдчисны сöмын «5» вылö. Республикаса олимпиадаяс, конкурсъяс да конференцияяс вылын вермысьяс. Водзмöстчисны школалöн да сиктлöн олöмын да уджын. Роч кывйысь öтувъя экзамен дырйи сочинениеысь Екатерина босьтiс 24, медся уна, балл, ставнас лоис 98 балл. Юлия да Кристина тшöтш босьтiсны уна балл. Бур тöдöмлун петкöдлiсны литература, история да обществознаниеысь, да öтувъя экзаменлöн кывкöртöдöн эскöдiсны ассьыныс «пятьяс». Куимнан нывка пырöны вылыс тшупöда велöдчанiнö.
Пасъям, мый таво коронавируслöн ыджыдалöмöн вöлi сьöкыд дасьтысьны экзаменъяс кежлö. Но Еатерина, Юлия да Кристина эз кольны бöръя тöлысьяс кежлö, а лöсьöдчисны водзвыв. Дерт, сьöкыдлуныд вöлi. Ковмис велöдчыны гортын интернет пыр, вöдитчыны сылöн став позянлуннас. Пуктiсны став вын школа бура помалöмö.
Сиам нывъяслы велöдчыны кывкутöмöн, дзирдавны бур тöдöмлунöн и водзö, босьтны сьöлöм серти специальносьт.
Воч школа.
Снимок школалöн чукöртöмысь.