Лариса Николаевна Липина зэв на тэрыб аслас арлыдын. Кöть эськö и пенсия вылын нин да, но уджыд гортад век тырмö. Оз сетны гажтöмтчыны и внуквнучкаяс, волывлöны быд лун. Отсалöны вöчны гортгöгöрса удж. Дасьöсь кежавлыны кöть быд лун, да оз сöмын отсалöм ради, а сы вöсна, мый аслас авъя нюмнас да небыд сёрнинас Лариса Николаевна пöчныслöн керкаын век кыпыд да шоныд.

Ань чужис Вуктыл районса Лемтыбöжын. Николай Николаевич батьыс Кулöмдiнысь, сэтчö ветлiс уджавны, сэнi и аддзис ассьыс шудсö. Семьитчис, чужисны Лариса, Ольга, Александр, Евгений. Уджöн лоис сьöкыд, да кад мысти семьянас вуджисны Кулöмдiнö. Бать-мамыс кыпöдiсны выль керка. Батьыс уджалiс Верхне-Вычегодскöй леспромхозын, мамыс сельполöн вузасянiнын. Лариса Николаевна Кулöмдiнса школаын помалiс 10 класс, сэсся мунiс велöдчыны Сыктывкарса кооперативнöй техникумö. Пыр зiля велöдчис, тöдiс, мый олöмын зэв коланатор – босьтны специальносьт, аддзыны ассьыд олан туй…
Водзö лыддьöй сентябр 26-öд лунся газетысь.
Наталья Гилева.
Снимок гижысьлöн.