Водзö видзöдöмöн

Сикт-посёлокъясын олысьяс собраниеяс вылын видлалöны да бöрйöны 2021-öд во кежлö «Йöзкостса бюджет» серти олöмö пöртан балаяс. Пожöгын да Вöльдiнын шуисны выльмöдны памятник-обелискъяс да налысь гöгöрсö. Дiасёръяын олысьяс вöзйисны медуна бала: посёлокын ва визь нюжöдöм, школаысь öшиньяс вежöм, спортивнöй зал дзоньталöм да сэтчö инвентар ньöбöм, «Улыбка» сад йöр лöсьöдöм, контейнер сувтöданiнъяс дасьтöм.

Районын мунысь гажъясын пыр петкöдчöны Дiасёръяса клубысь челядьлöн да верстьöлöн сьылан-йöктан котыръяс. Найö пыр дасьöсь, оз повзьöд ни кузь туй ни поводдя. Уна национальносьта посёлокын век олiсны öтув, кокниа кыпавлiсны быд уджö, да сiйö руыс öнiöдз на эз вежсьы.