Эг и тöдлöй воис тулыс, кöть эськö сiйö, быттьö аркöд венласьöмöн, ыджыдалiс важöнсянь. Полiгтырйи виччысям гожöм, татшöм тöлöн кутшöмöн сiйö лоас. Öд кольöм воын бура тешитiс, ни тшак ни вотöс ни турун пуктöм. Дерт, медся сьöкыд вöлi видз-му овмöс юкöнлы. Кыдзи зэра да кöдзыд гожöм тöдчис налы, кыдзи тöвйисны, кыдзи лöсьöдчöны гöра-кöдза кежлö? Тайö да мукöдтор йылысь висьталiс видз-му овмöс юкöнöн веськöдлысь Анастасия Ревокатовна Ярова.

«Улыс Воч» овмöдчöминысь юралысь Николай Фёдорович Морохинöс республика сöвмöдöмö тöдчана пай пуктöмысь «За заслуги перед Республикой Коми» пас сетöмöн.
Николай Фёдорович заводитлöма уджалан туйсö «Вычегодскöй» госпромхозын, öтувъя уджалан стажыс чукöрмöма нин 30 во, сэтысь 12-сö — веськöдлö овмöдчöминöн. Сиам и водзö вылö выль ыджыд вермöмъяс

Март 5-öд лунö районса администрацияын чукöртчылiс экспертъяслöн Скöрöдум школа сиптöмкöд йитчöм мытшöдъяс донъялысь комиссия.
Видлалiсны велöдчысьяслысь лыд, челядьлы ён тöдöмлун сетан позянлун, школалысь ылыслун да уджалысьяслысь оласног вежсьöм. Ставсö бура арталöм бöрын кывкöрталiсны, мый 2020-öд воын Помöсдiнын выль школа стрöитöм помавтöмла Скöрöдум школа тупкöм лёка тöдчас челядьöс велöдöм вылö.