Республикаса районъясысь полициялы ас окотаöн отсасысьяслöн конкурсын петкöдчысьяс пöвстын Кебанъёльысь Сергей Викторович Борзов лоис медся бурöн.

27 кубометра контейнеръяс сулалöны нин «Север» котырлöн база йöрын рельсъяс вылын. Твер обласьтысь «РЖЕВМАШ» заводысь специалистъяс тэчисны пресс-компактор, март панасын босьтчисны да вöчисны кык вежонöн, велöдiсны сы вылын уджавны «Северын» зiльысь мортöс. Районса 23 сикт-посёлокысь миян котырöн вайöм шыблас кутасны кисьтны бункерö, сэнi ставыс топалас да веськалас контейнерö. Öти морт компьютер отсöгöн и кутас веськöдлыны став уджнас. Тыра контейнер рельсъяс кузя вешъяс помöдзыс, сэтысь и кутас босьтны «Региональный оператор «Севера» котырлöн шыблас новлöдлан машина.