Кулöмдiнысь Александр Михайлович Попов Вяткаса государственнöй гуманитарнöй университетын велöдчö бöръя во, лоас юристöн. Сiйöс жö, сöмын водзтi вöлi Кировса педагогическöй государственнöй институтöн, помавлiсны бать-мамыс. Александр велöдчö интернет пыр, мöд ногöн кö, дистанционнöя. Тавося июньсянь уджалö туй дзоньталан да вöчан Кулöмдiнса участокын делö нуöдысьöн.
Читать далее →

Кулöмдiнса да Кебанъёльса велöдчысьяслöн бать-мам школаö ветлан паськöм вурöдöны Кебанъёльса асшöр уджалысь Елена Николаевна Ключко дорын. Вурöмторъяссö медся вылö донъялiсны вурсьысьяслöн «Вося платтьö» республикаса петкöдчöмын, кытчö таво медводдзаысь пыртiсны школаö ветлан паськöм. Парскис нималысь Воркутаса фабрикаöс да «Биарма» котырöс.
-Госстандартлы лöсялан дöраяс ваяла Екатеринбургысь дв Брянскысь. Модасö бöрйöны бать-мам да быдтасъясныс. Шыöдчысьяс дöрö ветла школаöдз. Видлыны да мерайтны волöны и ме дорö. Вурся кöртымалöм нёль жыръя патераын. Райадминистрация сетiс кöртымö вурсян кык машина, рöмпöштан, кык манекен, пызан-улöс. Вура быдтор, — висьталiс Е.Н.Ключко.
Читать далее →

Волiсны Финляндияысь, Эстонияысь, Мордовияысь, Удмуртияысь, Кудымкарысь, Ханты-Мансийскöй да Ямало-Ненецкöй автономнöй кытшъясысь том йöз, матö 120 морт. Олiсны куим лун. Помöсдiнсаяс овмöдлiсны найöс ас дораныс. Уджалiсны куим пельö юксьöмöн: видлалiсны финн-йöгра войтыръяслысь майшöдланторъяс, сёрнитiсны вöр-ва видзöм, экономика ёнмöдöм, чужан кыв да

Читать далее →

Квайт морт пырöдчис бизнеслöн бала кузя конкурсö, кодöс котыртiс райадминистрациялöн экономика да вот юкöн.
Найö кöсйöны могмöдны пескöн, дзоньтавны машина, лöсьöдны крестьянин овмöс, восьтны мичмöдчанiн. Кывкöртöд вöчасны декабрын, вермысьяслы вичмас сьöма отсöг.

Ноябр 24-26 лунъясö республикаысь крестьянин овмöс кутысьяслöн öкмыс морта котыр, на лыдын и миян районса Вочысь Виктор Михайлович Королёв, ветлiсны Санкт-Петербургö да Ленинград обласьтö.
Тöдмасисны мöс да индейка видзысьяскöд, налöн овмöсъясын удж котыртöмöн. Ветлiсны йöлысь вöлöга да ырöш вöчанiнъясö, мукöдлаö.