Иван Егорович Гичев

Чужис 1947 вося июль 13 лунö Вылыс Вочын. Помалìс Ухтаса индустриальнöй институт. Уджалìс Мылдìн районса Якша да Верхне-Печорскöй леспромхозъясын мастерöн, инженерöн, Печора леспромхозса директорöн, Усть-Куломскöй леспромхозса директорöс вежысьöн, Усть-Куломскöй кылöдчан контораын парткомса секретарöн, КПСС-лöн райкомын удж котыртан юкöнса инструкторöн, райпотребсоюзса юралысьöн, Кулöмдìн администрацияса веськöдлысьöс вежысьöн, удж да уджöн могмöдöм кузя министерстволöн Кулöмдìн районын юкöнса начальникöн. Вöлì райсöветса депутатöн.

Гöтырыскöд быдтìс да велöдìс кык нылöс.

Бур уджсö пасйöма «Уджвывса ветеран» медальöн, уна почёт грамотаöн.

Олö Кулöмдìнын.