Март 26-öд лунö «Помöсдiн» кыйсян котырсаяс чукöртчылiсны асланыс отчетно-выборнöй конфернция вылö.
Котырас артавсьö 262 вöр-ва радейтысь, конференция вылö волiсны 30 делегат да гöсьтъяс. На лыдын районса администрацияöн веськöдлысьöс вежысь В.В.Бадьин, «Коми войтыр» районса представительствоöн юрнуöдысь И.В.Касев, районса охотовед А.О.Тимушев, «СЛДК» да «КомиИнвестПром» ичöт кывкутан котыръясысь Д.Кутькин, И.Черединов, С.Шангин да мукöд. Кыйсьысьяслöн котырöн юрнуöдысь Н.И.Игнатов висьтасис бöръя вит вося удж йылысь да пасйис, мый коронавирус паськалöмла эз ставсö артмы вöчны 2020-öд воын. Водзö вылö вынсьöдiсны уджалан план, бöрйисны правлениеö выль йöзöс, видлалiсны и мукöд юалöмъяс. Локтан вит во кежлö котырöн юрнуöдны колисны Н.И.Игнатовöс.