Быдöнлöн олöмын эмöсь йöз, кодъяс колясны сьöлöмын бырöдтöм пас, вежасны олöм вылö видзöдласнымöс, отсаласны лоны бурджыкöн. Миян олöмын татшöм мортыс — велöдысь. Велöдысь — тайö морт, кодi тшöкыда кольö казявтöг, но ыджыд пай пуктö челядьöс туйдöм-велöдöмын, отсалö налы петны паськыд олöмö. Татшöмъяс лыдын Носимысь Наталья Николаевна Зезегова, кодi челядьлы сиис олöмсьыс 40 во. Ань чужис Носимын.

— Кöнi тэ чужин, сэнi лоин коланаöн, шулöны йöз, — нюмдыштöмöн панiс сёрнисö ань. — Менам, гашкö, сiдзжö артмис да. Носимын помалi кöкъямыс класс, дасöдсö — Паспомын. Велöдчыны радейтлi, но ёнджыкасö кажитчис отсасьны велöдысьлы. Век зiли сылы мыйöнкö отсавны. Аддзи, кыдзи сiйö велöдö, и кöсйи лоны сы кодьöн жö.

Школа помалöм бöрын сiйö нёль во велöдчис Сыктывкарса öтиöд номера педучилищеын, сэсся заочнöя нёль во жö Коми государственнöй пединститутын. Велöдчöм помалöм бöрас аньöс мöдöдiсны уджавны Кулöмдiнса шöр школаö вожатöйöн, а 1977-öд воын Наталья Николаевна локтiс велöдны Носимсаö…
Водзö лыддьöй октябр 3-öд лунся газетысь.
Наталья Гилева.
Снимокъяс Наталья Зезеговалöн.