— Уджысь ог пов. Ме быдмы сиктын. Бать веськöдлiс колхозлöн правлениеöн. Бöрти лöсьöдiс крестянин овмöс. Видзим мöсъясöс, порсьясöс, ыжъясöс, межъясöс. Ме век отсаси. Кажитчö вöлi тайö уджыс. Россияын ола 2002-öд восянь, локтi Азербайджанысь. Кык во сайын мöвпыштi лэптыны ферма, босьтчыны видзны мöсъясöс Кулöмдiнын. Висьталiсны, мый позяс нуöдны тайö уджсö Немдiнын, Ручын либö веськöдлыны «Пожöг» кооперативöн. Бöрйи Пожöг, — заводитiс сёрни Гамиль Рамазан оглы Балогланов, талун «Пожöг» кооперативöн веськöдлысь.

 Бур овмöс кутысьлöн ставыс сöвмö, бурмö, мичаммö. Колис душ-мöд во, а вöчис зэв нин уна. Кооперативын ставнас 580 скöт юр, 220-ыс лысьтана мöс. Кольöм воын босьтiс ытшкан, куйöд разöдан, гöр. Таво ньöбисны 80 тонна удобрение, 90 тонна öти вося турун кöйдыс. Кольöм воын кö пуктысисны 300 гектар вылö, таво гöрисны 430 гектар. Кöдзисны анькытш, шобдi, зöр. Медым мöсъяслы тöв кежлö вöлi пöтöса бур кöрым. Дзоньталiсны силос гуяс…
Водзö лыддьöй август 9-öд лунся газетысь.
Наталья Тимушева.
Снимокъяс Артур Гарновлöн.