Спорт радейтысьяслы

[ A+ ] /[ A- ]

Зимстанын эштан выйын «Чемпион» ёнмöдчанiн. Сiйöс вöчисны «Гöгöртас бурмöдöм» программа серти, сьöм вичмис федерация, республика да районсянь.

Куим во сайын лöсьöдiсны-шыльöдiсны веркöс, кисьтiсны цемент. Потшисны гöгöрыс. Таво лöсьöдöны котравны радейтысьяслы чорыд веркöс. Вольсалiсны резинаысь небыд веркöс. Кольöм сьöм вылö ньöбисны ёнмöдчанторъяс да сувтöдiсны. Гöгöрыс öшлiсны видеокамераяс. Гожöмын кö ывлавывса ёнмöдчан-котраланiнын позяс кутчысьны дзоньвидза олöмö, то тöвнас позяс ветлöдлыны администрациялöн вöвлöм челядьлöн керкаын ёнмöдчанiнö. Школаса челядь радейтöны спорт. Сэнi и позяс сöвмöдны кужанлун. Оз кольччыны томъясысь и олöмаяс. Сöмын на кольöм воын выльысь котыртчöм ветеран котыр тшöтш жö пырöдчöны спортö. Кутасны отсасьны — дöзьöритны и выль спорт площадка.

— Йöзыслы тайö ёна колö. Миян ёна водзмöстчö ветеран котыр, ставныс ёртасьöны спорткöд. Найö петкöдлöны пример и челядьлы. Чайта, ворсан-ёнмöдчанiн пыр лоас уна йöзаöн, — висьталiс овмöдчöминса юралысь В.Н.Лодыгин.

Спорт радейтысьяс «Чемпион» выль, колананог вöчöм ывлавывса ворсан-ёнмöдчанiнын сентябрын нин вермасны видлыны ассьыныс вынъяссö. Уджсö шуисны сигöртны буретш велöдчан во пансигöн.
Снимок öтуввезысь.
Татьяна Чувьюрова.

Комментарии:

Добавить комментарий

Свежий выпуск: 15 марта

https://www.gosuslugi.ru/help/faq/mobile_election/2100910

Осторожно — мошенники!