Ичöт суднояс госинспекциялöн районса юкöнын уджалысьяслöн йöз вöсна тöждыс во гöгöр тырмымöн. Найö видзöдöны пыжöн ветлысьясöс, чери кыйысьясöс, казьтылöны быдöнлы неминучаысь видзчысян правилöяс йылысь.

Ыджыд тöдчанлун сетöны челядьлы. Сёрнитöны накöд школаясын да садъясын, разöдöны казьтылан гижöдъяс, петкöдлöны, кыдзи колана ног пасьтавны вöйöмысь видзан жилет, öлöдöны, медым тулысын видзчысисны йи вылын.

Топыд йитöд кутöны районса да овмöдчöминса администрацияяскöд, черияс видзöм да рöдмöдöм кузя районса юкöнкöд, пытшкöсса делöяс министерстволöн районса юкöнкöд, школаса веськöдлысьяскöд да мукöдкöд. Сикт-посёлокъясын шойччан да купайтчанiнъяс тшöтш жö налöн видзöдлас улын…
Водзö лыддьöй март 14-öд лунся газетысь.
Татьяна Чувьюрова.
Снимокъяс Иван Поповлöн.