Водзö — дзоньвидзалунла!

Квайт во сайын на лызь беддьöн ветлысьясöс аддзигöн вöлi дивуйтчан, мый найö ветлöны куш бедьясöн лызь пасьтавтöг. Талун скандинавия ногöн ветлöм ёна паськалiс. Пöшти быд сиктын эмöсь беддьöн ветлыны радейтысьяс. Тадзи найö ёнмöдöны дзоньвидзалун.
Смолянкаын квайт во чöж, тöлын и гожöмын, быдсяма поводдя дырйи позьö аддзыны 88 арöса Лидия Ивановна Говорковаöс. Сiйö лыддьысьö примерöн и пенсионеръяслы, и том войтырлы. Неважöн на скандинавия ногöн беддьöн ветлöмö пырöдчис тшöтш Сария Хасиятовна Шарипова. Март 8-öд лунö сiйö пасйис 85 вося юбилей. Тайö кык арлыда нывбабаыс ыджыд вöляаöсь. Уна сьöкыдлун усис ичöтдырсянь: дзöлядырся тшыг нисьö пöт олöм, сьöкыд томдырся кад. Найö кыкнанныс войнадырся челядь. Лидия Ивановна да Сария Хасиятовна тöдöны войнаса сьöкыдлунъяс, öд найö асьныс аддзылiсны кымын шог да дой вайис война. Но нинöм вылö видзöдтöг колисны шань да вежавидзысь аньясöн. Накöд позьö юксьыны и радлунöн, и шогöн. Кык олöма нывбаба век локтасны отсöгöн. Налöн девиз: «Босьтам бедьяс да мунам водзö дзоньвидзалунла!»
Чолöмалам Лидия Ивановна да Сария Хасиятовнаöс Победа лунöн. Сиам налы пыр лоны татшöм жö авъя аньясöн.
Артур Гарнов.
Надежда Есевалöн снимок вылын Лидия Ивановна Говоркова да Сария Хасиятовна Шарипова.