Гожöмын районса олысьяс тшöкыда аддзöны лэбалысь самолёт да кылöны сылысь жургöм шы. Тайö сынöдсянь вöр видзан да кусöдан юкöнын уджалысьяс видзöдöны, мед эз сотчы вöр. Нöшта мужичöйяс чеччалöны парашютöн, уджын кыпöдöны сям.
Районса юкöнысь парашютöн чеччалысьяс да десантникъяс бикöд водзсасьны отсалöны и мукöд обласьт да каръясын. Июнь шöрын 60 лунся командировкаысь Забайкалье обласьтысь воис 14 морт. Ылi муö кусöдчыны ветлiс и Антон Витальевич Третьяков…

Антон Витальевич Донса, гожöмнас районса сикт-посёлокъясысь уджъёртъясыскöд олö сынöдсянь вöр кусöдысьяслöн Кулöмдiнса юкöнын. Кыдз висьталiс ачыс, 2010-2011-öд воясын районын ёна сотчис вöр. Сэк и ас окотаöн вöзйысис водзсасьны бикöд. Медводдзаысьсö ыстiсны Нюмыдö. Öтув уджалiгöн тöдмасис районса вöр видзан да кусöдан юкöнын уджалысьяскöд, сьöлöмсяньыс пырöдчис да кутiс матöджык гöгöрвоны налысь сьöкыд да кывкутана уджсö. Вöзйысис на дорö, корисны 2013-öд воын. Матö 12 во Антон Витальевич чеччалö парашютöн…
Паськыдджыка лыддьö й июль 4-öд лунся газетысь.
Татьяна Чувьюрова.
Снимок гижысьлöн.