Арлыдтö чукöртiгöн пыр унджыкысь и унджыкысь шыöдчывлан бурдöдчанiнад. Со и кольöм ар ковмис водлыны кушетка вылö, медым тöдмавны сьöлöмлысь уджаланногсö. Тайö пöрйö уджас кутчысисны практиканткаяс, миянысь жö Пожöг шöр школа помалысьяс. Эг на удит шыбитны ас вылысь коскöдз паськöмöс, Юлия Пашнина шарöдчö нин ЭКГ босьтысь прибор дорын. Менам куйлiгкостi уна провод пом ляскысис морöсö да кокö. И аппарат кокниника жургигтыр мöдiс лэдзны векньыдик бумага вылын зэв уна чукыль-мукыля гижöд. Мый чуймöданаыс — кардиограммасö гижигöн ни öти провод пом эз торъяв морöсысь, а татшöмыс унаысь овлö. «Верманныд чеччыны, пасьтасьны». И гили-голи провод чукöр торъялiс ляскысьöм-инсьыныс.
Меным сэки нин юрö воис мöвп: тайö нывкасьыс петас тöлка да сюсь бурдöдысь. Важ йöз тай шулöмаöсь: оз тусьыд дзоридзсяньыс тыдовтчö…
Водзö лыддьöй январ дас нёльöд лунся газетысь.
Владимир Шомысов.
Снимок гижысьлöн.