Керчомъя нималö оз сöмын гудöкасьысьясöн, но и чери кыйысьясöн. Да öд вуграсьöны тшöтш и аньяс. Босьтны кöть Зоя Юрьевна Барановаöс. Сiйö ва дорад ветлöдлö дзолясяньыс нин, кор ичöт классъясын на велöдчис. Медводдза кадас батьыс босьтлывлiс аскöдысь. Сiйö и туйдiс шатинöн вуграсьны. Сёрöнджык и кулöмъясöн кыйсьыны: велöдiс кутшöмöс сiйöс бöрйыны та могысь, кыдзи вöдитчыны, лэдзавны да лэптавны, кутшöминын бурджыка шедö чериыс да с.в. Верстяммыштiс да велöдчис сынны пелыса пыжöн.

— Керчомъяö тшöкыда волывлöны бокиысь йöз, шензьöны сиктгöгöрса вöр-валöн мичлун вылö, веськавлöны быттьö пö мойдö. Зэв нимкодь, мый ми олам тайö мойдас. Шондi чеччигöн либö лэччигöн пукалан пыжын, ты вылын лöнь, рöмпöштан кодь ваыс пöртмасьö уна рöмöн. Синтö вештыны он вермы. Вöвлытöм мичлунсьыс сьöлöмыдлы долыд, — висьталiс Зоя Юрьевна….
Водзö лыддьöй июнь 29-öд лунся газетысь.
Галина Нестерова.
Гижысьлöн снимок вылын Зоя Юрьевна Баранова.