Май 19 лун — Пионериялöн лун

[ A+ ] /[ A- ]


Лоны ставлы примерöн!
100 воысь дырджык коли сiйö кадсяньыс, кор югыдгöрд галстукъяса нывкаяс да зонкаяс лоисны том патриотъяслöн визув юкöнын. Пионерия чужис кольöм нэмлöн 22-öд воö да быдтiс СССР-ын некымын кöлена томулов. Медводзын мунысь радъясö примитлiсны быд во май 19 лунö 9-14 арöса медся зiль, водзмöстчысь, унаторйын нырччысь велöдчысьясöс…
…Талунъя лун вылö Россияын зiльöны пестыны том йöзöс патриотъясöн быдтöм. 2016-öд воын Россия обороналöн министр Сергей Шойгу вöзйис восьтны ставроссияса челядь да том йöзлысь военно-патриотическöй öтмунöм «ЮНАРМИЯ». Тайö радъясас пырöдчисны нин миллионысь унджык велöдчысь. 2022-öд вося июль тöлысьö Россияса Президент В.В.Путин кырымалiс оланпас Россияын нöшта на челядьлöн да том йöзлöн öтмунöм йылысь — «Движение первых». Челядь окотапырысь пырöдчисны да зiльöны военно-патриотическöй, военно-спортивнöй да гражданско-патриотическöй туйвизьясын. Талун кежлö и миян район-ын патриотъяслысь ордым восьтöны юноармеечьяс да медводзын мунысь том йöз. «Движение первых» радъясö пырöдчисны нин районысь Немдiн, Югыдъяг, Тимшер, Кулöмдiн, Озъяг, Улыс Воч, Руч, Ярашъю, Помöсдiнысь школаяс. Дасьтысьöны Пионерия лунö сюртчыны Дiасёръяса, Шöръягса да Пожег вожысь велöдчысьяс. Юнь 1 лунö нöшта йитчасны Зимстан да Керчомъяысь велöдчанiнъяс. Чолöмалам!
Ария Напалкова.
Снимок В.П.Савельевалöн.

Комментарии:

Добавить комментарий

Свежий выпуск: 28 марта

Осторожно — мошенники!