Районын водзö мунö диспансеризация. Таын водзмöстчöны школаяс да садъяс. Шöр бурдöдчанiнсянь волiсны нин спорт школаö, лунвыв электрическöй сетьяслöн районса юкöнö, «КомиИнвестПром» котырö, лесничествоö, районса культура керкаö, «Шоныд сетан Коми компания» акционер котырлöн районса юкöнö. Урчитiсны ветлыны нöшта туй вöчан да дзоньталан Кулöмдiнса юкöнö, «Олимпик» ёнмöдчанiнö. Уна морта предприятие-организацияяслы тайö зэв кивыв, оз ков воштыны кад бурдöдчанiнö мунöм могысь, оз ков сулавны öчередын.

Пасъя, таво вылö диспансеризацияöн да дзоньвидзалун видлалöмöн урчитiм шымыртны 8859 верстьö мортöс. Нёль тöлысьöн видлалiм 3187 мортöс, колана дiнö 35,9 процент, кöнi 1520-ыс аньяс (47,6 процент), да 1667-ыс айлов (52,3 поцент), 1744-ыс – уджалысьяс (54,7 процент), 1443-ыс пенсионеръяс (45,2 процент).

Видлалöмаяс пиысь куим мортлысь медводдзаысь казялiсны пыкöса (рак), куимлысь жö мöдöд типа сакарысь, нёльлысь вир давление содöм-кайöм (гипертония), öтилысь сьöлöм, öтилысь лолалан органъяс, витлысь кынöм висьöмъяс.

Шыöдча районса олысьяс дорö. Тiян дзоньвидзалунныд асланыд киясын. Ас кадö волöй диспансеризация вылö. Дыр бурдöдöм дорысь бурджык пыр жö водзсасьны казялöм висьöмкöд. Сикт-посёлокъясын верманныд шыöдчыны фельдшерско-акушерскöй пунктъясын фельдшеръяс дорö либö асланыд терапевтъяс дорö. Виччысям.
Светлана Попова, шöр врачöс вежысь.
Снимок Ольга Бобровалöн.