Лоам дзоньвидзаöн
Миян районын содö ГТО сдайтысьяслöн лыд. Физкультура да спортлöн тайö сикасыс 5 во чöжöн лоис ёна нималанаöн йöз костын. Кулöмдiн район бокö оз жö кольччы. Быд во ГТО нормаяс сдайтысьяслöн лыдыс содö. Пырöдчöны кыдзи велöдчысьяс, сiдзи и верстьöяс. Нормативъяс сдайтны волöны котыръясöн. Медся тшöкыда пыравлöны бикöд водзсасьысьяс, сьöм овмöсöн веськöдланiнысь, «Улыбка» нима челядьлöн садйысь, районса челядьлöн творчество керкаысь войтыр.
Тестируйтан шöринын зiльысьяс кыкысь вонас нуöдöны ГТО-лы сиöм декадаяс районса школаясын, медым челядь вермисны сдайтны индöм нормативъяс. Зiльöны волыны унджык сиктö. Талун кежлö медунаöн сдайтiсны нормативъяссö Кулöмдiнын, мöд местаын Кебанъёль, коймöдын – Помöсдiн.
Норматив сдайтны мукöд дырйи сьöкыд, но зэв ышöдана. Быдöнлы öд нимкодь аддзыны асьыс вермöмъяссö.
Комментарии: