Ичöт сиктад олöмыс югыд да кыпыд, кор эмöсь водзмöстчысьяс, ас бöрсяныс бурас ышöдысьяс, шань йöз. Джеджим ичöтик грезд, а гозмöд воöн став олысьлöн кыпалöмöн, конкурсъясö пырöдчöмöн да вермöмöн, бергöдiсны ыджыд удж, мед чужанiн вöлiс сöстöмöн да йöзлы овсис нöшта на бурджыка. 2023–öд вося апрельын танi лöсьöдiсны асвеськöдлан котыр, юрнуöдысьнас бöрйисны Тамара Александровна Напалковаöс.

– Шöръягса школаын на веськöдлiгöн сэки Донса юралысь В.Н.Нехорошев унаысь вöзйис öтувтчыны, лöсьöдны асвеськöдлан котыр. Директорыдлöн уджыс зэв кывкутана, став вын сета школалы, кадыс абу. Шмонитiгмоз шуи, мися, пенсия вылö пета да. 2022–öд воын и петi, пыр жö öтувтi медся водзмстчысьяссö. Сёрнитiм, бöрйим кодi мыйысь кутас кывкутны, кытшовтiм сикт, чукöртiм йöзöс да висьталiм асвеськöдлан котырлысь тöжд-могъяс йылысь. Колiс бöрйыны юрнуöдысьöс, кодi кутас уджавны документъясöн, вермас гижны балаяс, öтувтас йöзöс уджö. Кывзiсны да шуисны, тэ пö кызсö вöчин нин да коднö сэсся, да ставныс бöрйисны менö. 2022–öд вося арнас и босьтчим, а пасйысим локтан вонас.
Водзö лыддьöй август 22-öд лунся газетысь.
Марина Дадашова.
Снимок Тамара Напалковалöн чукöртöмысь.