Ручса культура керкаын В.Савинлöн юбилейлы сиöмöн «Сударушка» котыр пуктiс «Гудрасьöм» нима теш. Петкöдчöм водзас Надежда Михайловна Подюкова висьтыштiс коми драматург, поэт, гижысь В.Савин йылысь. Казьтыштiс, Виктор Алексеевичлöн кутшöм мича кывбуръяс, висьтъяс да гижöдъяс колисны коми йöзлы. Сцена вылö ворсны петавлiсны Иван Попов, Людмила Порошкина, Владимир Трегубов, Любовь Попова да ме. Пукалысьяс бура и сералiсны, пöся кекöначасисны ворсысьяслы.

 Тайö жö тешсьыс босьтöм юкöнöн ручсаяс лэччылiсны Аныбö, кöнi библиотекаын уджалысь В.Главатских клубас буретш нуöдiс В.Савинлы жö сиöм рыт. «Пöлöзнича» котырö ветлысьяс, сиктса йöз да челядь лыддисны кывбуръяс, сьылiсны. Дженьыд нэма вöлöма коми гижысь, со 80 во нин лоис кулöмсяньыс, а быттьö ловъя сувтö миян водзö, сы вöсна мый сыöн гижöдъясыс олöны быд мортлöн сьöлöмын…
Водзö лыддьöй декабр 7-öд лунся газетысь.

 Екатерина Ульнырова.

 Снимокъяс гижысьлöн.