Коми муын чужис батьöй,
Коми муын чужис мамöй,
Ыджыд мам да ыджыд бать,
Пöльö, пöчö, об да дядь.
Ичинь, вежань, чожинь, чож,
Öти кывйöн став рöдвуж.
Танi гажа мен чой-воккöд
Да и ёртъяскöд, суседкöд.
Ставыс отсöг вылö воас
Сьöкыд кö друг тэныд лоас.
Ковмас гажöдчыны тэд,
Öтвыв гажа бара, дерт!
Чужан муад, коми кывнад
Ставыс муса, ставыс лад.
Мед жö олас Коми муöй,
Водзö сöвмас чужанiнöй!
Мед пыр юргас коми кыв,
Шуда лоас зон да ныв!
Лариса Шахова.
Пожöг.