* Мартын кöдзыдыс мöслысь сюрсö на чегъявлö. Март тöлысьыд куим вося ичмоньлысь морöссö кынтылöма, сизим арöса öшлысь сюрсö чегъявлöма.
* Евдокея лун пасйöны рака тöлысь 14-öд лунö.
Тайö лунсяньыс важ календар серти заводитчö тулыс. Луныс да войыс пö öткузяöсь. Важöн коми йöз шулiсны, мый Евдокея лунö кö войтваыс чипанлы юмöн сылас, то и тулысыс водз воас. Тайö луннас кö тöлыс пöльтö лунвывсянь, тулысыс лоö дженьыд, а войвывсянь кö – кузь. Кузь йинёньяс кö öшъясны керка вевт дорышö – тулыс нюжалас.
* Öльöксея-божъя лунö войтваыс пö мед вöлi öшлы юны тырмымöн, сэк пö гожöмыс лоö бур. Öльöксея-божъя лун пасйöны рака тöлысь 30-öд лунö. Сьöд рака кö воис – кызь лун мысти йи вöрзяс, тöлысь мысти лым сылас. Ракаяс кравзöны – ульдыны нин кöcйö. Тулыснас кö лымйыс сылö öдйö, а ытваыс исковтö тэрыба – виччысь васöд гожöм.
Жанна СИЗЕВА.