Ичöт грездъяслы — бур йитöд

[ A+ ] /[ A- ]

Сотöвöй да интернет йитöдъяс тырвыйö пырöдчисны миян быдлунъя олöмö да натöг бергöдчыны некыдз нин ог вермöй: челядьлы найö колöны велöдчöманыс, верстьöлы уджаныс. Да и «Госуслуги» порталö тшöкыда ковмылö пыравны колана могъясöн. Нинöм нин шуны сы йылысь, мый интернет отсöгöн позьö тöдмавны оз сöмын меставывса, но и мир пасьтаса лоöмторъяс да выльторъяс йылысь. Тайö зэв бур, сöмын тай сотöвöй да интернет йитöдъясыс талун абу на быдлаын, торйöн нин ылі ичöтик сиктъясын да деревняясын. Со и государство шуис бырöдны тайö мытшöдсö. Та могысь 2014-öд воын нин вынсьöдiс «Цифровая экономика Российской Федерации» национальнöй балалöн «Устранение цифрового неравенства» федерацияса программа, кодöс олöмö пöртісны цифра отсöгöн сöвмöдан йитöд кутан да юöр сетан министерство да «Ростелеком». Буретш тайö уджтасыс и сетіс позянлун разьны гöрöдсö — Россияса ылі пельöсъясö, ичöтик сиктъясö вайöдны сотöвöй да интернет йитöдъяс. Но сöмын сэтчö веськалöны сэтшöм грездъяс, кöні 100-сянь 500-öдз олысь…

2023-öд воын республика водзö пырöдчылiс федерацияса программаö.
Миян районысь медся уна гöлöс сетiсны Великополье, Бадьёльйыв, Смолянка да Ягкöдж вöсна. Таво индöм сикт-посёлокъясас и бурмöдасны сотöвöй да интернет йитöдсö.

 Галина Нестерова.

 Снимок Леонид Третьяковлöн.

Комментарии:

Добавить комментарий

Свежий выпуск: 18 апреля

Осторожно — мошенники!