Таво февральсянь районса шöр бурдöдчанiнын уджалö челядьöс бурдöдысь хирург Насим Ахмедович Яхьяев. Ачыс Таджикистанысь. Поликлиникаын педиатрöн кутас уджавны и гöтырыс.
Районö врачьяс локтiсны и «Земский доктор» программа серти. Кольöм вося июньсянь психиатр-наркологöн зiльö Александр Васильевич Лютоев. Ас морт, танi уджавлiс нин, вуджлiс мöдлаö, а сэсся сиктъясö локны ышöдан программаö пырöдчöмöн бергöдчис бöр. Июльсянь Зимстан участокса бурдöдчанiнын челядьлöн дзоньвидзалун вöсна тöждысьö педиатр Маргарита Сергеевна Клочкова. Ноябрсянь акушер-гинекологöн уджалö Сергей Владимирович Лютоев. Уджавлiс жö нин миянын, мунлiс юркарö да локтiс бöр. Сыысь эз кольччы Надежда Ивановна гöтырыс, уджалö анестезиолог-реаниматологöн.