Видз-муяс вылын

[ A+ ] /[ A- ]

Таво гажа да мича тулысыс пуксис водз. Татшöм мича шоныд лунъясад весиг дышыс петö град вылын зунясьыштны.
Районын олысьяс тыр öдöн ызöбтiсны пуктысьны. Кодкö гöрö мотолебёдкаöн, кодкö тракторöн, эмöсь на и, кодъяс вöв вынöн небзьöдöны муяс. Нывбабаяс азыма ньöбалöны дась рöсада, мужичöйяс дасьтöны быдсяма техника. Талун лавкаясын вузавлöны градвыв пуктасъяслы уна пöлöс вынсьöдантор, позьö бöрйыны быд пуктаслы торйöн. Гожöмнас керкадор кутас пöртмасьны мича рöмъясöн, гажöдны сьöлöм ас киöн дöзьöритöм дзоридзьясöн.
Кулöмдiнса сортоучасток кöдзис 0,2 га 2 сорт ид опытъяс вöчöм вылö да 1,2 га зöр. Регыдъя кадö пуктасны картупель 0,3 га. Июньын кöдзасны опытъяс вöчöм вылö 0,3 га да кöйдыс босьтöм, скöтлы сёйöм вылö 2 га уна вося турунъяс. Ид да зöр босьтасны арнас, уна вося турунъяс колясны муяс вылö мöд воöдз.
Крестьянин овмöс кутысь С.А.Тимушев гöрöма нин 20 гектар, кольöма сы мында жö. Мöвпалö кöдзны уна вося турунъяс, зöр, ид да анькытш.
Мед эськö мойвиас мича поводдяöн да ставныслöн воас бур да озыр урожай!
Асланым корреспондентъяс.
Снимок Кулöмдiнса сортоучастоклöн.

Комментарии:

Добавить комментарий

Свежий выпуск: 28 марта

Осторожно — мошенники!