Бурыс бурсö быдтö

[ A+ ] /[ A- ]


2023-öд воö му шар пасьта пасйöны ставмирса гижöда йöзöдчöмлысь 30 во тыртöм. Кывйöн вöляысь вöдитчöм — тайö гражданинлöн аслас да политикаын тöдчана инöдъяс пиысь öти, сюрöсыс — ас вöляа юöр лэдзöмын. Тайö правоыс сетö позянлун гижöмöн, шуöмöн, уна ног да паськыда йöзöдны ассьыд видзöдластö (мöвптö).
1993 воын луныслысь тöдчанлунсö вынсьöдöмсянь гижöда мöвпъяс йöзöдöмын унатор вежсис бурланьö — öнi мир пасьта нин, ас вöляысь, уна ног, цифраа технологияясöн вöдитчöмöн, öтуввез пыр — ставыс ыззьöдö паськыда разöдны гугсö да бансö быдсикас серпас да лоöмторъясыслысь. Мортлöн эм инöд восьсöн петкöдлыны ассьыс видзöдлассö. Öттшöтш сэк, овлö, вöльнöя гижöм да ас видзöдласъясöн восьсöн юксьöм, журналистъяслöн видзчысьöм, мöдарö, паныдалöны видчöм, омöльтöм, дзескöдöм, нартитöм, весиг дзоньвидзалун жугöдöм да лов воштöм. Быд гижысь морт юксьö сiйöн, мый сiйöс вöрзьöдö. Быд лыддьысьысь «аддзö» гижöдысь сiйöс, мый сылысь сьöлöмсö вöрзьöдö. Гижысьлöн да лыддьысьысьлöн оз век лöсявны видзöдласъясыс. Быдöнлы бур эськö пыдди пуктöмöн донъявны öта-мöдлысь мöвпъяс. И лыддьысьöмын колö лоны мудерöн. Öнiя кадö лыддьысьысьлы лыдтöм-тшöттöм сюрö быдсикас юöрыс. Сiйö ачыс кывкутö коланасö да лöсяланасö бöрйигöн, медым «не пöдны» нинöм абуас.
Лунсö пасйöмыс медым нöшта ёнджыка тöдчöдас коланлунсö восьса йöзöдчöмлысь. Но паськыда йöзöдчöм мед эз вайöд зыкъясöдз, тышъясöдз, тшыксьöмöдз, омöльторсö яндысьтöма разöдöмöдз да этш воштöмöдз. Мед бур кывйыс ыджыдалас да бурсö быдтас.
Ария Напалкова.

Комментарии:

Добавить комментарий

Свежий выпуск: 28 марта

Осторожно — мошенники!