Ывлаыс рöмдыштö, керкалöн ывла стенын лампа öзйö нин, югдiгöн кусö ачыс. Пыриг-петiгöн югзьöны и öтувъя ветланiнъяс. Тайö лоис юрсиктын уна патераа керкаясын би провод вужвыйöн вежöм бöрын: Сöветскöй да Ленин уличаясвывса нёль керкаын выльмöдiсны нин, тайö лунъясö уджалöны Гагарин уличавывса витöд керкаын, сы бöрся вöчасны тайö жö улича вылас квайтöдын. Вежасны и Пöжöгса уна патера керкаын…

…Пасъям, уна патераа керкаясын вужвыйöн дзонтасьöм могысь республикаса правительствоын вынсьöдöма программа. Сэтчö пыртöма муниципалитетъяслысь став керкасö. Донъялöма, кор кыпöдлiсны, кымын во кутчысяс вевт, подув, ва да шоныд мунанiнъяс, би провод да с.в. Сы серти и урчитöма, кор да мый дзоньтавны. Йöз унаöн эз эскыны, эз кöсйыны вештысьны.

А весьшöрö. Районын уджыс мунö. 2017-öд воын программаас пырис 2, 2018-ын – 3, 2019-ын — 1, кольöм воын – 5 керка, кöнi куимыслысь вежисны вевт да кыкöс вужвыйöн дзоньталöм могысь лöсьöдiсны бала да смета. А таво региональнöй оператор миян районын урчитiс сизим керкалöн öтувъя ветланiнысь вежны би провод, куимын (öти Помöсдiнын да кык Кулöмдiнын) — вевт, öтиын – керка подув, кык керкаын вужвыйöн дзоньтасьöм могысь дасьтыны бала да смета.
Марина Дадашова.
Снимокъяс гижысьлöн.
Дзоньнас гижöдсö лыддьöй март 4-öд лунся газетысь.