Дыр ковмис виччысьны ассьыным «…и найö Вермöмсö дорисны» («… и они ковали Победу») небöгнымлысь петöмсö.
Куш зепнад он на ёна чепсась. Кöсйысьлісны эськö, гырысь чинаяс отсыштны, но кöсйысьнытö кокни. Кык шыöдчöм пызан вылысь пызан вылö шыблалöмöн и колис. Но и мед! Бара на Ен да бур йöз. Ас сиктсаяс, орчча сикт-грездысь, весиг каръясысь чукöртісны 56 да джын сюрс шайт. Медуна вичмöдіс «Ривьера — С» ичöт кывкутана котыр (веськöдлö Светлана Николаевна Бабичева), Кулöмдінса пенсионер Михаил Ефимович Уляшев да Помöсдінса олысь Нина Николаевна Глуханич. Сюрс сё аттьö на и Анна Егоровна Шаховалы (Выльгорт), Нина Афанасьевна (Бадьёльйыв), Вера Николаевна, Мария Николаевна, Мария Ивановна Уляшеваяслы (Вöльдін), Александра Егоровна (Санкт-Петербург), Елена Егоровна (Ухта), Нина Алексеевна да Олег Иванович Уляшевъяслы, Капитолина Никитична Шкодиналы (Сыктывкар).
Медым чукöртны материал, лоис кытшовтöма Пузла, Ягкöдж, Вöльдін, Выльгорт, Помöсдін, Кулöмдін, юркарса Лесозавод да Эжва микрорайонъяс. Уджалі Кулöмдінса архивын. Ёна отсалісны гижны М.К.Игнатовлöн «Помни прошлое, знай настоящее, делай будущее» да «Труженики тыла» небöгъяс, Сыктывкарысь архивса документъяс ыстіс пиöй, Олег Иванович Уляшев.

Медся активнöй информантъясöн лоисны Пузлаысь Елена Николаевна Уляшева, Валентина Егоровна Игнатова да Дина Егоровна Тюрнина, Ягкöджысь Галина Фёдоровна, Михаил Елисеевич, Надежда Елисеевна Уляшевъяс, Елизавета Ивановна Шахова, Анастасия Ивановна Мингалёва, Евгения Ивановна, Элеонора Ивановна Уляшеваяс, Галина Ионовна Шебырева, Любовь Владимировна Игнатова, Вöльдінысь Анна Алексеевна, Магдалина Алексеевна, Вениамин Васильевич, Александра Егоровна, Ольга Николаевна, Олег Ливерьевич, Анна Сергеевна Уляшевъяс, Елена Егоровна да Мария Прокопьевна Игнатоваяс, Маргарита Дмитриевна Расова, Выльгортысь Галина Фёдоровна Игнатова, Помöсдінысь кык чой — Нина Николаевна Глуханич да Людмила Николаевна Егорова, Рада Кузьминична, Елизавета Михайловна да Елена Михайловна Игнатова чойяс, Елена Васильевна да Иван Константинович Уляшевъяс, Ирина Георгиевна Чисталёва, Діасёръяысь Валентина Васильевна Насирова, Пожöгысь Анна Степановна Чисталёва, Кулöмдінысь Михаил Ефимович Уляшев, Сыктывкарысь Елизавета Наумовна Попова, Нина Алексеевна Уляшева, Альбина Николаевна Семёнова, Валентина Гавриловна Зубарева, Сосногорскысь Лидия Илидоровна Артемьева да Петербургысь Александра Егоровна Уляшева, Пермысь Виталина Николаевна Ежова, Курскысь Александра Павловна Науменко.
Босьтöма Анна, Лида, Олег, Яна Уляшевъяслысь, Алла да Настя Игнатоваяслысь, Люба Ермолиналысь, Ваня Шаховлысь, Вася Артеевлысь, Регина Андриевскаялысь велöдчандырся сочинениеяссö.
Медуна фотокарточкаяс сетісны Василий Алексеевич Игнатов да Мария Ивановна Уляшева.
Унаöн нин на пиысь кыз му улынöсь.
Ыджыд аттьö отсöгысь и «Вöльдін» сикт овмöдчöминса администрацияын, Вöльдін, Ягкöдж да Пузла школа-садъясын, Ягкöдж пöжарнöй депоын уджалысьяслы да ставныслы, коді кöть ичöтика вермис отсавны небöг лэдзöмас.
Эз эськö ло книгаыс, эз кö печатайтны сиктса библиотекарь Ирина Ивановна Уляшева, Евгения Ивановна Подорова нылöй, Полина Владиславовна Игнатова ыджыд мамöн шуысьöй, эз кö сканируйтны фотояс Ирина Ивановна Уляшева да Василий Иванович пиöй (сійö жö и цифруйтіс), Олег Иванович пиöй редактируйтіс, эз кö лэдз ичöтик дон вылад военно-историческöй наукаяс Академиялöн коми юкöн.
Муöдз копыр став отсасьысьлы!
Ен мед сетас ловъяяслы крепыд дзоньвидзалун, кузь нэм, долыд да кокни олöм!
Кымын ним-ов нин сюйöма рамкаяс улö. Эз вермыны найöс новлысьяс виччысьны книга петöмсö. Мед жö мöдаръюгыдыс лоö налы югыдінöн да шоныдінöн, мед муыс лоö налы гöн кодь небыдöн.
Полина Уляшева.
Вöльдін.