Аскиа офицер

[ A+ ] /[ A- ]


Кулöмдiнысь Вячеслав Попов челядьдырйиыс кöсйис батьыс моз жö лоны электромонтёрöн. Бать-мамысöн ас керка лэптiгöн, сэки сылы вöлi ар 12 да бергöдiс нин вермана удж, босьтлiс киас став инструментсö, асьсö аддзис нин инженерöн, стрöительöн либö архитекторöн. Юрас пырис да и ставыс. 11-öд классын велöдчигöн армияын служитны дасьлун кежлö врачьясöн дзоньвидзалун видлалöм да донъялöм, а сэсся юалöмъяс вылö вочавидзöм, школасянь характеристикасö видзöдлöм бöрын, райвоенкоматын кольöдiсны сёрнитны. Тэнад пö ставыс бур да он-ö кöсйы водзö велöдчыны военнöй училищеын либö институтын. Сетiсны кад мöвпыштны. Бать-мамыс эз вöвны паныд, öд аскиа олöмыд пö ас саяд. Бур, мый военнöй вузъясын могмöдöны кöм-пасьöн, оланiнöн, вердöны-юктöдöны, сетöны бур стипендия, нöшта и стрöг дисциплина.
Локтiс военкоматö, сетiсны институтъяс да училищеяс йылысь юöръяса альбом, бöрйы пö мый сьöлöм сертиыд. Лöсялiс кык велöдчанiн, мед збыльмöдны челядьдырся кöсйöмсö. Омскын автобронетанкöвöй инженернöй институтысь петöны инженер-техникъяс. Армияса генерал Андрей Васильевич Хрулёв нима Санкт-Петербургса военнöй академиялöн военнöй инженерно-техническöй институтын буретш велöдöны инженер-стрöитчысьясöс, но сэтчö пырны зэв уна окотитысь да сьöкыд пö лоас. Но эз повзьы, Санкт-Петербургсасö и бöрйис.
Водзö лыддьöй сентябрь 7-öд лунся газетысь.
Марина Дадашова.
Снимок гижысьлöн.

Комментарии:

Добавить комментарий

Свежий выпуск: 15 февраля

https://www.gosuslugi.ru/help/faq/mobile_election/2100910

Осторожно — мошенники!