Кулöмдiн районса государственнöй жилищнöй инспекция лоö Коми республикаса государственнöй жилищнöй инспекциялöн юкöнöн. Кутшöм могъяс сулалöны сы водзын, кыдзи найö пöртсьöны олöмö, висьталiс инспекцияöн веськöдлысь Алексей Иванович Кузнецов.
-Кулöмдiн районса государственнöй жилищнöй инспекциялöн мог ― видзöдны, оз-ö торкавны йöзлысь правояс коммунальнöй да жилищнöй услугаяс вичмöдiгöн, кыдзи вöдитчöны оланiн фондлöн да уна квартираа керкаясын олысьяслöн öтувъя эмбурöн, кыдзи видзöны найöс. Та могысь тшöкыда кытшовтлам оланiнъяссö, медым эрдöдны торкалöмъяс, а сiдзжö видзöдлыны, ас кадö-ö дасьтöдны керкаяссö тöв кежлö. Аслас уджын инспекция мыджсьö Российскöй Федерацияса Конституция да законъяс, Российскöй Федерацияса президентлöн да правительстволöн нормативнöй правовöй актъяс, Коми республикаса Конституция да законъяс, Коми республикаса юралысьлöн правовöй актъяс да Коми республикаса государственнöй жилищнöй инспекциялöн положение вылö.
Административнöй кодекс серти государственнöй жилищнöй инспекция вермö видлавны административнöй правояс торкалöм кузя делöяс, кодъяс йитчöмаöсь олан жыръясöн вöдитчöмын правилöяс торкалöмкöд (7.21-öд статья), олан керкаяс да жыръяс видзöмын да дзоньталöмын правилöяс торкалöмкöд (7.22-öд статья), йöзöс коммунальнöй услугаясöн могмöдöмын норма индöдъяс торкалöмкöд (7.23-öд статья).
-Кутшöм административнöй торкалöмъяс казялiнныд таво?
-Кулöмдiн районса государственнöй жилищнöй инспекция тавося öкмыс тöлысьöн видзöдлiс 359 сюрс квадратнöй метр оланiн. Öти прöверка нуöдiм прокуратуракöд öтув, кыкöс ― сылöн тшöктöм серти. Керкаяс кытшовтiгöн аддзим 542 торкалöм. На пиысь 536-ыс ― оланiнъясöн вöдитчигöн да найöс дзоньталiгöн индöдъяс торкалöм, 6-ыс ― олан жыръясöн лёка вöдитчöм. Оланiн юкöнын правилöяс торкалöм бырöдöм вылö сетiм 186 кабала, на пиын 39 тшöктöм, 3 протокол, 144 акт. Öткымын материал мöдöдлiм видлалöм могысь прокуратураö.
Административöй право торкалöмъяс лоисны сы вöсна, мый оз пöртны олöмö инспекциялысь тшöктöмъяс. Таысь кык мортöс кыскöма административнöй кывкутöмö. Пример вылö: öтувъя керкаын олысь элясис, мый соседыс жугöдiс аслас квартирасьыс öшиньсö. Прöверитiм висьталöмсö. Мöдöдiм сылы тшöктöм: индöм кадöн пуктыны öшиняс стеклö. Эз вöч ас кадö, да лöсьöдiм протокол. Бара мöдöдiм тшöктöм — индöм кадöн дзоньтавны öшиньсö. Тадзи жö вöлi нöшта öти мортлöн, кодлöн жугалiс шоныд сетан система. Дыр кадöн, но дзоньталiс. Элясьöмъясöн йöз шыöдчылöны гежöда, медсясö асьныс зiльöны бырöны оланiнсьыныс тырмытöмторъяссö. Таво вылö волiс сöмын дас норасьöм. Элясьöны медсясö найö, кодъяслы воö шоныд да ва, эм канализация, и системаын лоис кутшöмкö нелючки. Но сьöкыдлуныс сыын, мый Кулöмдiн районса олан фондöн веськöдлöны асьныс керкаясын олысьясыс, и налы аслыныс колö, öтувъя собрание вылын видлалöмöн, лöсьöдны сёрнитчöмъяс öтувъя эмбур видзöдöм да могмöдöм кузя организацияяскöд, кодъяс вöчöны тайö уджсö. Кыдзи, шуам, «Север» котыркöд. Но йöзыс оз вöчны сёрнитчöмсö, сы вöсна мый оз кöсйыны вештысьны. Овлö, уна квартираа подъездын оз öзйы би. Олысьяс ветлöны истöгöн югзьöдöмöн либö асьныс кужтöг йитöны проводка. Тайö вермас вайöдны неминучаöдз.
Оланiнъяс бöрся видзöдысь да могмöдысь котыръяскöд сёрнитчöмъяс вöчтöм вöсна керкаяс ар да тöв кежлö кольöны дасьтытöмöн: вевтыс виялö, öшиньясыс тупкытöмöсь, öдзöсъяс оз сиптысьны, пачьяс да трубаяс дзоньтавтöмöсь. Та вöсна оланiнъяс вочасöн важмöны, киссьöны, письтöны ва да шоныд сетан системаяс. Таысь некутшöм мера примитны огö вермöй, абу сэтшöм организацияыс, кодi эськö кывкутiс та вöсна.
— Кытчö позьö шыöдчыны, лоасны кö юалöмъяс либö стöчмöдöмъяс?
-Кулöмдiн районса государственнöй жилищнöй инспекция меститчö юрсиктын, Сöветскöй улича вылын 39-öд керкаын. Йöзöс примитам тöлысьлöн быд мöд пекничаö 8 час 45 минутсянь 16 час 45 минутöдз. Мукöд лунъясö уджалам 8 час 45 минутсянь 18 часöдз. Юалöмъясöн позьö шыöдчыны 8 (82137) 94-8-69 телефон пыр. Юалöмъясöн позьö шыöдчыны и Коми республикаса государственнöй жилищнöй инспекцияö, сылöн эм аслас официальнöй сайт: http://gjirk/rkomi.ru
Юöрсö дасьтöма дасьтöма жилищно-коммунальнöй овмöс юкöнын йöзлысь правояс дорйöм кузя «Единая Россия» партияса Коми отделениелöн бала серти. Партийнöй «пöсь» линиялöн телефон: 8 (212) 29-35-22.
Читать далее →

Октябр помын районö волiс социальнöя сöвман республикаса агентствоöн веськöдлысьöс медводдза вежысь Олимпиада Борисовна Шуктомова. Районса администрацияöн веськöдлысьöс медводдза вежысь Е.А.Стяжкинакöд да йöзöс социальнöя доръян шöринöн веськöдлысьöс вежысьяс А.А.Зезеговакöд да С.И.Журавскаякöд аддзысьлiсны Носимса олысьяскöд. Кывзiсны налысь тöжд-могъяс. Сиктса депутат висьталiс Носимса

Читать далее →

«2012-öд вося урожай» ярмарка
Кулöмдiн районса администрация корö районса олысьясöс да гöсьтъясöс сюртчыны видз-му овмöс вöлöгалöн «2012-öд вося урожай» выставка-ярмаркаö, кодi воссяс 2012-öд вося ноябр 2-öд лунö 10 часын районса культура керка водзын. Ярмарка вылын лоас видз-му овмöс унасикас вöлöга:

Читать далее →

Районлöн вежа места
Уллянаса манастыр йылысь кыв
Дзоньнас кö — Троице-Стефано-Уллянаса манастыр. Подувсö пуктылiс да кыпöдлiс 14 нэмын вежа Перымса Стефан да лоö Россияын медся важся манастыръяс лыдын. Тайö манастырыслöн зэв аслыспöлöс судьба. Сiйöс куимысь кыпöдлiсны торпырыгъяс пиысь. Революцияöдз на

Читать далее →

Октябр 28 лунö «Барс» котырысь водитель С.В.Нестеров пасъяс Россияса автомобилистлысь лун. Сергей Владимирович машиналöн руль сайын 18 во.
-Сiдзсö Кулöмдiнса шöр школа помалöм бöрын ме велöдчи Кебанъёльса 26 номера ГПТУ-ын трактористö, — висьталiс С.В.Нестеров, — но сэки меным эз на

Читать далее →