[ A+ ] /[ A- ]

Пытшкöсса делöяс министерстволöн районса юкöнысь уджалысьяс кыпыда пасйисны Коми милициялысь лун. И вöлì мыйысь. Квайт тöлысся удж серти районса юкöн республикаса каръяс да районъяс пöвстын лоис медводзын. Медбуръяслы сетìсны козинъяс да сьöма премияяс.

Тайö ыджыд вермöмö тöдчана пай пуктìс пытшкöсса делöяс министерстволöн районса юкöнöн веськöдлысьöс вежысь милицияса подполковник А.Б.Коротков. Алексей Борисович ас районса, чужис да быдмис Кулöмдìнын. Шöр школа бöрын помалìс Троицкöй авиационнöй училище да босьтìс техниклысь специальносьт. Училище бöрын пырис милицияö. Милицияын да полицияын 19 во. Пыр вöлì кывкутана уджъяс вылын. 2008 воын помалìс Российскöй Федерацияысь пытшкöсса делöяслöн министерстволысь Санкт-Петербургса университет. Эмöсь 2 да 3 тшупöдъяса «За отличие в службе» да морöсö öшöдан «За верность долгу» пасъяс.

Гижöд да снимок


Комментарии:

Комментарии запрещены.

Свежий выпуск: 28 марта

Осторожно — мошенники!